> FB Twitter instagram youtube linkedin ملابس مدرسة سوارية جريدة أخبارك
تعليم

ملابس مدرسة سوارية

ملابس مدرسة سوارية وفساتين «بنسل» و«ميني دريس»، و«بيلسيه»، بأستيلات متعددة، بين «الأوف شولدر»، والحمالات العريضة، و«الكب»، باللون الرمادي مع القميص الأبيض، صور مختلفة لملابس العام الدراسي الجديد 2021-2022، أثارت جدلا واسعا، منذ تداولها أمس، على مواقع السوشيال ميديا.

في وقت سريع انتشرت الصور مرفق معها العديد من التعليقات بين الإشادة بالموديلات المختلفة، وبين انتقاد الأزياء والموديلات، وتشبيهها بملابس التنزه وفساتين السهرات.

مدارس
مدارس

ملابس مدرسة سوارية

علقت الفتيات على الصور المنتشرة، باسترجاع ذكرياتهم مع المدرسة، إذ كتبت إحداهن: «لو كانت مديرة المدرسة لمحتنا لابسين لبس زي ده، كانت طلبتلنا البوليس، ماكنش هيكفيها استدعاء وحاجات الصغيرين دي.. أين لبس المدرسة أنا لا أراه!».

وتابعت إحدى أولياء الأمور: «دي استايلات فساتين سوارية، مش لبس مدرسة لعيلة ماطلعتش من البيضة»، وسخرت أخرى: «ده لبس في فرح قاعة اللؤلؤة مش مدرسة لاء»، وكتبت ثالثة: «ده لبس مدارس، ولا لبس سهرات، وإيه الكب ده، الله يرحم أيام الدريسات بتاعتنا».

ومن ناحية اخري نال البعض إعجابه بالموديلات الجديدة، إذ علقت إحدى الفتيات عن ملابس المدرسة المطروحة: «يا جماعة ثواني، هو إحنا اضحك علينا و لا إيه، إحنا مش كلنا كنا بنجيب نفس الجيبة الطويلة والقميص الأبيض، إحنا اضحك علينا يا جماعة، ماينفعش كده»، وكتبت أخرى: «مش بحقد على الجيل ده، بس كان نفسي ألبس كده».

مدارس
مدارس

رد مصمم ملابس المدرسة

كشف محمود الخولي، مصمم أزياء المدرسة، وصاحب أحد محلات الملابس الكبرى بالفيوم، حقيقة الصور المنتشرة، مؤكدا في تصريح، أنها حقيقية بالفعل، وأنه صاحب فكرتها، وبين أنه استخدم بعض عروض الأزياء، لتصميم تلك الموديلات العصرية، التي تناسب فتيات الجيل الحالي.

وعن انتقاد البعض للموديلات، قال مصمم الملابس، إنه حاول اختيار موديلات تساعد الفتيات على تعديل حالتهن النفسية عند الذهاب للمدرسة: «موديلات زمان مكانتش الاختيار الأنسب، لكن لما البنت دلوقتي تلبس حاجة شيك شبه لبس خروجها، هتروح المدرسة وهي مبسوطة».

مدارس
مدارس

السعر يبدأ من 200 جنيه

أوضح محمود الخولي، أن جميع الخامات المستخدمة في صناعة الملابس مصرية، وأن الأسعار في متناول الجميع، إذ تبدأ من 200 جنيه، حتى 300 جنيه فقط، وفقا للخامات والموديل، مؤكدا أن الموديلات متوافرة في الفيوم فقط، لمدارس الفيوم الحكومية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى