ياسمين رئيس: أنا ست بيت قبل ما أكون ممثلة.. والرجالة غلابة..
فن

ياسمين رئيس: أنا ست بيت قبل ما أكون ممثلة.. والرجالة غلابة والله

ياسمين رئيس: أنا ست بيت قبل ما أكون ممثلة.. ودينا الشربيني أختي، وضحت الفنانة ياسمين رئيس رأيها عن كيفية التوافق بين الحياة الزوجية والحياة المهنية فقالت:” بحاول أحس إن مهمتي الأساسية هي مش ممثلة، أنا ست بيت وأم ثبل ما أكون فنانة، مكونتش بفكر كدة زمان بس كل فترة بتتغير أفكارك وإتجاهاتك، أنا تفكيري بيختلف كل خمس سنين.”

ياسمين رئيس تتحدث عن التمثيل:

ياسمين رئيس

وأكملت رئيس أثناء تصريحات تلفزيونية، “التمثيل عندي  مش مجرد مهنة، لكن أنا بحس إن وظيفتي الأساسية هي ست بيت وأم، مبيبانش عليا كده بس دي الحقيقة ال حساها طول الوقت.”، واستكملت : «كل راجل له مفتاح غير التاني، مفيش مفتاح بيفتح على كله، ده لو فيه مفتاح، الستات أصعب من الرجالة، الراجل بسيط، وبعد ما خلفت ولد بقت بتصعب عليا الرجالة، الرجالة غلابة والله».

وفي إطار متصل إلي حديثها عن الرجالة والستات فقالت:”كل راجل عنده أفكار مختلفة عن التاني، مفيش حد بيفكر زي غيره بس فالعموم الستات أصعب من الرجالة، الراجل بسيط، وخصوصًا بعد ماخلفت ولد إتأكدت إن الرجالة غلابة والله.

وأكملت :”مينفعش أقول أنا إيه مفتاحي كدة علي الهوا، مينفعش، بس كل ست وليها مفتاح مختلف عن التاني، فيه ستات رومانسية وعايزة تسمع كلام حلو على طول، وفيه ستات عاقلة بتتأكد من الحب ده عن طريق الأفعال.”

ياسمين رئيس عن دينا الشربيني

ياسمين رئيس

أما في إتجاه الأعمال الفنية فقد شاركت ياسمين في الموسم الرمضاني الماضي من خلال مسلسل “ملوك الجدعنة” والذي شاركها فيه مصطفي شعبان وعمرو سعد، كما قالت أنها تابعت العديد من المسلسلات في هذا العام مثل “خلي بالك من زيزي” و “قصر النيل” وتحدثت عن دينا الشربيني قائلة:”دينا دي أختي وجدعة جدًا، وإحنا أصحاب من قبل ماندخل التمثيل ولسه لحد دلوقتي، دينا شاركتني في مواقف كتير في حياتي ووقفت جنبي في موت أمي، وفي جوازي وأنا ساعدتها في حاجات كتير هي تقول عنها بقي”.

وعن علاقتها بالفنانة الجميلة الراحلة دلال عبدالعزيز، قالت: “ست متتعوضش أنا إتكلمت معاها كتير أيام تصوير  -ملوك الجدعنة- وبجد هتفضل جوه قلبي وهتوحشني كتير لأنها دايمًا كانت بتفكرني بماما معرفش لية، طيبة أوي”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى