مي حسن تنجو من الخطف بأعجوبة وتكشف: "نطيت من العربية"
فن

مي حسن تنجو من الخطف بأعجوبة وتكشف: “نطيت من العربية”

مي حسن تنجو من الخطف بأعجوبة وتكشف: “نطيت من العربية”، صرحت الفنانة مي حسن عن حقيقة محاولة اختطافها عن طريق سائق سيارة ملاكي تابعة إلي إحدى الشركات الخاصة.

مي حسن تنجو من الخطف وتحكي التفاصيل.

مي حسن تنجو

وأكملت مي: “الحمد لله جات سليمة الواقعة كانت من يومين، والنهارده اليوم التالت، أنا كنت في طريقي لمول مصر عشان أسحب فلوس من هناك ومكانش معايا عربيتي، فطلبت عربية من شركة معروفة، وكنا ماشيين من الحدايق لأكتوبر ودفعت 32 وأنا راجعة بطلب الأوردر محدش وافق بـ 32، كان فيه 3 أو 4 وافقوا بـ 42 واخترت واحد منهم”.

وأضافت: “كنت مروحه الساعة ستة ونص مساء، وكان السواق مصمم يدخل من البوابة التالتة، وأنا ساكنة في الرابعة، قلت له المكان كده مش مظبوط في الحدايق، وأول ما دخلنا الحدايق جوزي اتصل بيا  وهو مسافر العراق حاليًا فكلمني على الماسنجر، إتفاجئت إن السواق دخل شارع يمين وداس 80 وحسيت العربية بتجري، وعاملة تراب، أنا مش مستوعبة فيه إيه فرميت التليفون، وقلت له بعصبية إنت إيه اللي جابك هنا، وكان لا مش في دماغي خطف، وقلت له هفتح الباب وأنط، قال لي خسارة إنتي جميلة، وكل ده وجوزي على الماسنجر معايا”.

تدخل العُمال لإنقاذ مي من الخطف.

مي حسن تنجو

كما أكملت مي “فتحت باب العربية راح مفرمل فجأه وأنا نطيت من العربية، وكنت متعصبة وبزعق بقوله إنت بتستهبل، انت داخل في الضلمة عايز تخطفني هوديك في داهية، الحمد لله الشارع كان فيه ناس وبيوت جديدة لسه بتتبني وأسوار، وكان فيه عُمال بتبني لما شافوني إتدخلوا بسرعة، والسواق قال لي حطي لسانك جوه بقك عشان مدفنكيش مكانك”.

وواصلت “ولما فعلًا الناس بدأت تدخل أنا هديت، وكله كان فاكر إني مش عايزة أدفع الأجرة، بس الحمد لله قبل ما أدافع عن نفسي لقيت واحد وصله صوتي وأنا بقول عايز يخطفني وكنت بعيط عياط هستيري”.

وفالختام :”قامت مي بتهديده إنها هتبلغ البوليس، قالها أنا مش مسجل خطر، وطلبت الشرطة فعلًا وطلبوا مني رقم العربية، أول مرة أكلم الشرطة زي أي مواطنة عادية، وبعدها اتصل بيا مأمور قسم الهرم وحكيت اللي حصل والحمد لله بشكر القضاء وكل اللي ساعدني في المشكلة”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى