حازم إيهاب يكشف سبب رفض إجهاض ابنه رغم فتوى الأزهر بجواز ذلك
مادة إعلانية
مادة إعلانية
فن

حازم إيهاب يكشف سبب رفض إجهاض ابنه رغم فتوى الأزهر بجواز ذلك

حازم إيهاب يكشف سبب رفض إجهاض ابنه الذي توفي في مارس الفائت بعد أيام من ولادته بعيب خلقي في القلب، رغم فتوى الأزهر بجواز ذلك، وجاء ذلك أثناء استضافته في برنامج “رمادي”، الذي تقدمه الإعلامية “عبير بسيوني”.

حازم إيهاب يكشف سبب رفض إجهاض ابنه: ابني مكتوب إنه ييجي الدنيا

حازم إيهاب يكشف سبب رفض إجهاض ابنه

مادة إعلانية

وصرح “حازم إيهاب” قائلاً: “ابني كان مكتوب له إنه ييجي الدنيا ويقعد معانا 13 يوم، وهيروح للي خلقه تاني، يعني ابن الذين ضمن الجنة”.

وأوضح “حازم إيهاب” أن زوجته لم تعلم بدخول ابنهما غرفة العمليات لإجراء جراحة في القلب قائلا: “يونس لما جه منة مكانتش عارفة إنه دخل العمليات، ودي كانت مشكلة أكبر بكتير، نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات”.

وتابع “حازم إيهاب”: “في حد في أمريكا قاللي إحنا عندنا هنا في الوقت ده بنقول ننزله، وكانت منة في الشهر الخامس، وأول ما عرفنا إنه ولد عرفنا إن في غرفة من غرف القلب مكانتش شغالة، وممكن نستنى شوية وقت وممكن تشتغل، والأزهر أفتى لي إن إحنا ننزله، بس أنا مكانش عندي المنطلق ده”.

“حازم إيهاب يكشف سبب رفض إجهاض ابنه” قائلا: “أنا تفكيري اللي ربنا كاتبه له هيشوفه، أكيد ربنا مش هيبقى عايزه يتعذب، بس مش هعرف أسامح نفسي إني ممكن أنزله، وأرجع أطارد نفسي بعدها بكام شهر، وأقول إفرض كنت سيبته يكمل، مش جايز كان ربنا حط فيه معجزة”.

مادة إعلانية

واستعاد “حازم إيهاب” اللحظات التي عاشها بعد وفاة ابنه قائلا: “من سذاجتي كأول مرة أحضر الموقف ده، أول حاجة عملتها كلمت حد حجزلي قاعة عزاء، وبعدها اكتشفت إن الإطفال مفيش لهم عزاء، ومن سذاجتي باخد يونس وهو يا حبيبي في الكفن، ورايحين نصلي عليه، فإمام المسجد قال يا حبيبي إحنا بنصلي على المتوفي عشان ربنا يخفف عنه ويرحمه، ده نصلي عليه ليه؟ إحنا نحاول نتمحك فيه عشان يدخلنا الجنة معاه”.

اقرأ أيضاً: هشام ماجد عن انفصاله الفني عن شيكو: استعد لفيلمين بدونه

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى