تامر حسني لمعجبيه: افتكروا معاناتي اشتغلت عامل في بنزينة
مادة إعلانية
مادة إعلانية
فن

تامر حسني لمعجبيه: افتكروا معاناتي اشتغلت عامل في بنزينة

تحدث النجم تامر حسني لمعجبيه، حيث وجه رسالة لجمهوره عبر حساباته في مواقع التواصل الاجتماعي، شجعهم فيها على عدم الاستسلام لشعور الإحباط واليأس، وجاء ذلك بعد استجابة متابعي “تامر حسني” لرسالته السابقة لهم، والتي دعاهم فيها للتواصل معه وطرح المشكلات التي تواجههم، بحيث يناقشها معهم من واقع خبرته.

تامر حسني لمعجبيه: سلم قلبك للّي خلقه و توكل على الله

تامر حسني لمعجبيه

مادة إعلانية

وقال “تامر حسني” في رده على متابعيه: “قرأت معظم التعليقات على قد ما قدرت على اخر بوست ليا، وفهمت اكتر حاجتين من تعليقاتهم عاملين احباط لمعظمكم”.

  • اليأس من النجاح
  • احباط المقربين
  • و بعضكم واصل لفقدان الامل و الشغف، و بعضكم فاقد الامل في الحياه نفسها

وأضاف “تامر حسني لمعجبيه” قائلاً: “هطلب طلب منكم قبل أي شيء افتكروا معاناتي في بدايتي و ظروفي الصعبة من غير اب و من غير أي فلوس، و بنزل اشتغل في الشوارع من عامل بنزينه لسوبر ماركت لفاعل، يعني اللي بيبنوا العمارات بطلع طوب و اسمنت عشان ارجع بيتي لأمي الغلبانة بأي خمسه جنيه، بالإضافة لمرتب النادي لما كنت بلعب كوره كان مرتبي 22 جنيه في الشهر، منهم بقى تحويشة الميه و الكهرباء، و عمليات اخويا عشان كان عيان لفتره كبيره”.

وتابع “تامر حسني لمعجبيه” قائلاً: “كنت بعمل المستحيل فعلاً عشان امي و اخويا و عشان أوصل لهدفي، كان جوايا سعي دائم لطريقين الكورة و الغناء، و بقول دا عشان ناس كتير عايز انصحها بالخطة البديلة عشان لو الحلم مجاش يكون في غيره، زي ما انا كان نفسي ابقى لاعب كوره و الكورة مش ليا و الأندية كلها مشوني، رغم تفوقي كنت بسأل نفسي ليه الأبواب كلها تتقفل في وشي، اتاريها تتقفل عشان توجهني لمسار اخر،

وأكمل “تامر حسني” قائلاً: “لما آمنت بكده فهمت قدام ان ربنا كان شايلي الاحسن ليا بس ساعتها ماكنتش فاهم، واللي بيسأل نفسه دلوقتي يعني انا اكمل في حلمي ولا اشوف حلم ثاني هقوله دايماً اطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكدلك تكمل او لا بس اجتهد و اتعب عشان المجهود دا ليه كرم متحوشلك في مجالك الثاني، ف اوعى تقول تعبت فالفاضي”.

مادة إعلانية

وتابع “تامر حسني لمعجبيه” : “و بالنسبة للمحبطين يفضلوا موجودين انت اللي بتسمعلهم، و انت اللي بتسمح انك تتأثر بيهم، امنع دا فوراً متبقاش السبب في اذية نفسك، متتشدش غير لكل جميل و لكل إيجابي هتلاقي كل الحلو بيجيلك، و متعملش العكس عشان هيجيلك برضو، عشان كدا بقولك انت السبب دايماً قول يا رب و اجتهد و افهم ان الراحة المطلقة في الجنة بس، و احنا على الأرض”.

وأنهر “تامر حسني كلامه قائلاً”: “ربنا قال انه خلقنا في كبد، يعني شقاء عشان يكون عندنا تحدي نكسبه ولازم نكسبه، عشان كتير قبلينا كانت ظروفهم اصعب و وصلوا يبقى الموضوع فينا، متبقاش اكبر عدو لنفسك، انت السبب، خد قرار صارم فوراً في التغير و النهوض و النجاح ، والله هتوصل، متسمعش غير لقلبك و سلم قلبك للّي خلقه و توكل على الله”.

اقرأ أيضاً: حازم إيهاب يكشف سبب رفض إجهاض ابنه رغم فتوى الأزهر بجواز ذلك

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى