رامي جمال عن مساعدته للمطرب النقاش أحمد سالم: كلنا أسباب بعض
مادة إعلانية
مادة إعلانية
فن

رامي جمال عن مساعدته للمطرب النقاش أحمد سالم: كلنا أسباب بعض

تحدق النجم رامي جمال عن مساعدته للمطرب النقاش “أحمد سالم” على صفحته الخاصة على موقع الانستجرام، وكان المطرب النقاش “أحمد سالم” قد تصدر تريند مواقع التواصل الاجتماعي، بعد انتشار فيديو له أثناء غنائه بكره يا حبيبي للفنانة الجزائرية وردة، خلال عمله في طلاء المنازل، وزاد الأمر بعدما أعلن رامي جمال عن البحث عنه لعمل أغاني له.

رامي جمال عن مساعدته للمطرب النقاش أحمد سالم: ربنا يكتبله الخير

رامي جمال عن مساعدته للمطرب النقاش

مادة إعلانية

وقال “رامي جمال” خلال الفيديو: “أولا إزيكوا، ثانيا عايز أتكلم عن حاجة مهمة جدا، أنا شايف القبول اللي ربنا كاتبه للفنان أحمد سالم، أحمد فنان بدرجة ما شوفتهاش في حياتي بصراحة مرتين تلاتة، أنا شايف القبول اللي ربنا كتبه والحب اللي أنتوا حابينه ليه، دي حاجة ما بتحصلش كل يوم”.

وأضاف “رامي جمال عن مساعدته للمطرب النقاش”: “فرحان جدا جدا إن ما زال الصوت الحلو والفن الحقيقي الناس بتحبه وبتدعمه، فيه ناس كتير فرحانة وبتقولي شكرا إنك بتساعد أحمد، أنا مش بساعد أحمد، أنا بساعد نفسي كفنان وكملحن ومطرب برضو إن الوسط الفني لما يبقى فيه فنانين زي أحمد كدا وأصوات زيه، دي حاجة بترقى بالذوق العام، وحاجة بقينا محتاجينها كلنا”.

وتابع “رامي جمال”: “ثانيا أنا اتربيت في بيت أهلي إن الفرصة لما بتيجي لحد بتبان إن ربنا باعتها، وإحنا كلنا أسباب لبعض، ممكن أنا أحاول أسهل مشواره في الفن، ودي حاجة بالنسبة لي قمة في السعادة، أنا وقت ما شوفت الفيديو بتاع أحمد كان لسه ما انتشرش بالشكل دا؛ لأن فيه ناس بتقولي أنت بتساعد بس عشان التريند، والله عمرها ما كانت شخصيتي ولا هتبقى شخصيتي؛ لأن مفيش حد ضامن أنه يعمل حاجة ونيته مش صافية إنها في الآخر هتوصله للنتيجة اللي هو عاوزها”.

وأشار “رامي جمال” : “اللي أحمد عمله في الآخر ڤيديو عادي جدا، وهو بيشتغل و زي الراجل وسيد الرجالة، لا راح وقف قدام إستديوهات ولا راح عمل حاجة، بس هو راجل نقي نيته سليمة، ففي الآخر الڤيديو بعد سنة ونص جه ميعاد إن ربنا يكتب له القبول فيه وإنه ينتشر جدا جدا”.

مادة إعلانية

واختتم “رامي جمال عن مساعدته للمطرب النقاش” قائلا: “بقول لكل الناس شكرا لكل اللي عملتوه مع أحمد، أنا معملتش حاجة خالص لسه، وحتى بعد ما أعمل، أنا مش بعمل لأحمد، أنا بعمل لنفسي عند ربنا في فكرة إن مفيش حد هياخد زرقي، فاللي بيسهل لحد حاجة هيلاقي مليون واحد يسهله حاجات تانية، ربنا يكتبله الخير، وبوجه لأحمد رسالة عن طريقكوا هنا كفاية برامج لو سمحت لحد ما تخلص الأغاني، يومكوا جميل”.

اقرأ أيضاً: زوجة شريف منير توجه رسالة لابنتيها: مبروك على عيلتكم الجديدة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى